唔经唔觉，

原来王浩信都已经

北上发展差唔多一年了。

作为TVB两届“视帝”嘅王浩信，

自年初跟随王祖蓝北上后，

就全力发展内地工作，

连55周年台庆、2023节目巡礼等

大台盛事都悉数缺席。

虽然接连忙住拍剧同上节目，

不过王浩信亦有不时

拍下短片又或者开直播

同网友互动，分享下近况嘅。

近日，王浩信有份主演嘅

剧集《廉政狙击》正在热播，

话晒係自己为数不多嘅存货，

自然要积极po片宣传啦。

不过喺宣传短片中，

王浩信嘅寸头新look

加上唔多啱佢嘅美颜滤镜，

就令唔少网友都觉得

佢嗰样好似怪怪哋咁。

其实王浩信呢个寸头发型

都剪咗一段时间啦，

初初转look时就已经引发过热议，

有粉丝觉得新造型韩味十足，

寸头版王浩信都几有型，

亦有人觉得寸头唔多适合佢。

而今次少咗妆造加持，

又有滤镜“作怪”，

好多网友都话王浩信

变样变到认唔出咯。

而《廉政狙击》中嘅王浩信

似乎同样状态麻麻咯，

特别係面部线条“崎岖”咗唔少，

整体状态远不及早几年在

《踩过界》《反黑路人甲》等

作品中嘅意气风发。

well~如果只係戏中造型憔悴，

都可以话係为咗角色服务。

不过戏外嘅王浩信，

呢几年确实都有

少少颜值下滑嘅趋势咯。

《廉政狙击》三位男主角中，

明明王浩信年纪最细，

但合照时完全冇赢面。

同样係素颜直播，

面肿肿嘅王浩信

加上唔识摆角度……

男仔都要好好保养咯

Anyway~虽然状态一般，

不过王浩信演技都係在线嘅~

讲开又讲，

其实王浩信呢个寸头，

都係因为早前要拍

清朝剧《状王之王》，

剃咗光头冇咁快生番长喈，

相信等之后头发生番长，

都会转下其他look嘅。

除咗赶拍《状王之王》之外，

其实王浩信今年仲客串咗

内地处境剧《家有姐妹》，

呢部剧前两日也已正式开播啦。

呢套剧都算係王浩信

首次参演嘅内地剧集，

不过因为只係“特别出演”，

镜头就比较少啦。

据预告同路透片段，

佢似乎会同主演之一嘅柳岩

会有几段对手戏，

而原声出演嘅王浩信，

普通话发音都几标椎

都颇有惊喜感噶。

其实戏少都唔怕冇的发围嘅，

前年，高海宁喺《三十而已》

只係客串咗短短几场戏，

照样靠高光演技令到角色出圈，

自己也在内地人气急升。

你对王浩信新look有乜睇法？

你觉得王浩信有机会

复刻下当年嘅高Ling吗？

欢迎留言同我哋分享吖~

MORE

今日娱乐看点

《金枝欲孽》经典镜头重现

新一期《无限超越班》请来

佘诗曼、邓萃雯、张可颐

时隔18年后再同台飙戏，

重现《金枝欲孽》经典镜头，

童年记忆又回来了！

电影《前任4》开机

电影《前任4：英年早婚》开机，

田羽生导演以及韩庚、郑恺、

于文文等主演悉数回归，

金牌老班底集结

继续有笑有泪讲婚恋，

唔知续作又将讲乜故事？

唐嫣cos佟湘玉

唐嫣首档常驻综艺

《我们的客栈》最近开录啦~

最新录制路透，

全员扮相梦回《武林外传》！

其中唐嫣cos掌柜佟湘玉 ，

你觉得呢个造型有几分似？

资料来源：剧照、微博、豆瓣

网络信息综合整理

编辑：陈祉伶

审核：曾敏妍

签发：骆苹